بسم الله الرحمن الرحيم
نبدى بسم الله خالقنا فيها ... يامبدع لكوان وفق للصواب
اشرح لي صدري كلمة نلقيها... ويسرلي امري ذالمرة تطراب
حابب مني ذالوجوه انوصيها... خير اوجوه اليوم تسمع ذالخطاب
خيراوقاتك يا ساجي تقضيها... وانت تتجول في صفحات اكتاب
كيف النحلةذيك زينة منشطها...تجمع فالرحيق من زهرات اعجاب
روضة في جنات انت داخلها...فيها مالخيرات كنز الي جراب
تاريخ الاسلاف راحو تركوها...هاذ الدنيا الفانية ومافيها طاب
اجميع العلوم درسو فهموها... اقرى واتمعن تتطور للباب
خير الصحبة هويعرف معنها...اكتاب اقريتو نعمة مالصحاب
ما يكره منك نفسك زكاها...يبينلك الصح يشرحلك لسباب
في صمتو حكمة تبع تسمعها...تصدح بالافكار تجعو للوهاب
اول كلمة ياك ربي نزلها....اقرا فالقران هو خير اكتاب
يشفي صدرك والهموم انسيها....فيه الوصفة الخالدة سال الطباب
سال الي رساخ حكمة واقراها....ياضعيف القوة خلقك من تراب
واجعلك فؤاد والروح انفخها...واجعلك حواس هي خير احباب
انهم ديما كول لاتقنع منها...اطلب العلوم العيشة تطياب
وتقهر العديان حرمة تحفضها...اذا املكت العلم املكت الاسباب
دايم بالاصرارتبع صيدها...ماهر من صياد ميعرف لتعاب
تحس اللذة ذيك وانت ماسكها...واثق في نفسك وبقدرك موهاب
مشي الهوينة لا تعجل فيها...ثبت خطواتك عندك لا ترتاب
وخير الصديق اشجع ليها...الصديق الزين والصاحب سحاب
واصبر وتحملفيها واطلبها ...ممتاز الافكار سهلة كي تصعاب
دقق وتمحص وانت تحصيها ...وبجل الاستاذ وتكلم بداب
ارفعلو شانو قبلك ماشيها....احفظ قدر الشيخ احبيب الطلاب
واحذر الغرور صفة مذممها...واتواضع للكل قدرك ماينصاب
وطبق العلوم لاتهجر بيها...الاولى بالمعروف بالصفة لقراب
شوف الغربي كيف عنا درقها...ويحسدنا اكثير دليم ضارب باب
هاذا واش اكتب رابح صاحبها...طامع فالرحمان مجري السحاب
يغفرلو ذنبو يدو يرفعها...ال صاحب لفضال والنجم الثقاب
ياربي يا كريم مني اقبلها ...ووفق الجميع الى حسن مئاب
وصلي عالرسول ونسلم بها ...محمد رسولنا ذكرو طياب
شعر صالح رابح الجزائري
الجمعة يونيو 22, 2012 11:07 pm
